काठमाडौं ।
लोक सेवा आयोगबाट शहरी विकास मन्त्रालयको शहरी विकास तथा भवन निर्माण विभागमा सिफारिस भएर आएका सिभिल तथा आर्किटेक्ट उपसमूहका ४१ जना नयाँ इन्जिनियरलाई प्रशिक्षण कार्यक्रम शुरू भएको छ ।
विभागको आयोजनामा मंगलबारदेखि ललितपुरको गोदावरीमा शुरू भएको प्रशिक्षण कार्यक्रम ५ दिनसम्म चल्नेछ । कार्यक्रमको पहिलो दिन विभागका उपमहानिर्देशक दिलिपशेखर श्रेष्ठ, नारायणप्रसाद भण्डारी, मन्त्रालयका सहसचिव प्रदीप परियारलगायतले प्रशिक्षण दिएका थिए ।
उनीहरुले विभाग र मन्त्रालयको कार्यक्षेत्र, बजेटको आकार तथा सार्वजनिक प्रशासन लगायतका विषयमा प्रशिक्षण दिएका छन् । कार्यक्रमको उद्घाटन शहरी विकास मन्त्री मेटमणि चौधरीले गरेका थिए । कार्यक्रममा विभागका महानिर्देशक सुरेन्द्रमोहन श्रेष्ठ, सहचिव मचाकाजी महर्जन, सिडिईहरु हिमाल केसी, परिक्षित कडरिया लगायत सहभागी थिए ।
प्रतिक्रिया