काठमाडौं ।
वैदेशिकक रोजगारीको सिलसिलामा खाडी राष्ट्र युनाइटेड अरब इमिरेट्स (युएई) पुगेका नेपाली कामदारमध्ये एक वर्षमा १७४ जनाको मृत्यु भएको छ । युएईस्थित नेपाली दूतावासका अनुसार गत आर्थिक वर्ष २०७८/७९ मा उनीहरूको त्यहाँ मृत्यु भएको हो ।
मृत्यु भएकामध्ये १६७ जना शव नेपाल पठाइएको र ७ जनाको अन्तिम संस्कार युएईमा नै गरिएको दूतावासले जनाएको छ । सोही वर्ष वैदेशिक रोजगारीका क्रममा युएईमा मृत्यु र घाइते भएकाहरूले ३२ लाख ७५ हजार ७६३ युएई दिराम (करिब ११ करोड ४० लाख ९७ हजार १७७ रुपैयाँ) क्षतिपूर्ति बापत प्राप्त गरेको जानकारी दूतावासले दिएको छ ।
दूतावासका अनुसार क्षतिपूर्ति बापत प्राप्त रकम सम्बन्धित पीडितको परिवारलाई उपलब्ध गरिएको छ ।
युएईमा तीन लाखभन्दा बढी नेपाली कामदार रहेको अनुमान छ ।
प्रतिक्रिया