काठमाडौं ।
बैंकिङ कसूर मुद्दाका एक जना फरार प्रतिवादीलाई प्रहरीले पक्राउ गरेको छ । पक्राउ पर्नेमा पर्वत घर भई काठमाडौं महानगरपालिका–१६ नयाँबजार बस्ने ३५ वर्षीय ईन्द्र बहादुर कुवँर छन् । उनलाई आइतबार प्रहरीले पक्राउ गरेको हो ।
उच्च अदालत पाटनले २०७९ वैशाख २ गते उनलाई बैंकिङ् कसूरा तीन थान मुद्दामा २५ दिन कैद र ६१ लाख ५४ हजार ८७५ रूपैयाँ जरिवाना ठहर गरेको थियो ।
त्यसपछि फरार रहेका उनलाई केन्द्रीय अनुसन्धान व्यूरो महाराजगन्जबाट खटिएको प्रहरीले काठमाडौं सुन्धाराबाट पक्राउ गरेको हो । कुँवरले बैंक खातामा पर्याप्त मौज्दात रकम नभएको भन्ने जानी–जानी पीडितलाई झुक्यानमा पारेका थिए ।
उनलाई फैसला कार्यान्वयनका लागि जिल्ला अदालत काठमाडौंमा पेश गरिएकोमा अदालतको आदेशले कैद भुक्तानको लागि कारागार कार्यालय डिल्लीबजार काठमाडौंमा पठाइएको छ ।
प्रतिक्रिया