यस पटक टिकट पाउनेमा ढुक्क छु : अर्जुनलाल प्रधान (भिडियो)

काठमाडौं ।

नेकपा एकीकृत समाजवादीका नेता अर्जुनलाल प्रधानले आफूले प्रदेश सभामा टिकट पाउनेमा ढुक्क रहेको बताएका छन् । आइतबार राजधानी लाइभ डटकमसँग कुरा गर्दै नेता प्रधानले यस पटक आफूले जनताको सेवा गर्न चाहेको बताएका हुन् ।

यसअघि तत्कालीन नेकपा एमालेमा हुँदादेखि पटकपटक आफ्नो नाम सर्वसम्मत उम्मेदवार सिफारिस हुँदा समेत बाइपास गरिएको भन्दै यस पटक एकीकृत समाजवादीले आफूलाई न्याय दिने विश्वास रहेको उनले बताए ।

नेता प्रधानलाई नेकपा एकीकृत समाजवादीको क्षेत्र नम्बर ६ को क्षेत्रीय कमिटीले क्षेत्र नम्बर ६ प्रदेश (क)मा सर्वसम्मत उम्मेदवार सिफारिस गरेको छ ।

यद्यपि सत्ता गठबन्धनको सिट बाँडफाँटको किचलोका कारण अन्यौलता छाएको छ ।  गठबन्धनको भागबण्डामा समेत प्रदेश (क)मा एकीकृत समाजवादीले नै पाउनुपर्ने उनको दाबी छ ।  नेता प्रधान पार्टीको विशेष प्रदेश कमिटी सदस्य हुन् ।