प्रहरीद्वारा सन्दीपको आग्रह अस्वीकार, हतकडी लगाएरै हिरासत लगियाे

काठमाडौं, २० असोज ।

नाबालिग बलात्कारको आरोप पक्राउ परेका क्रिकेटर सन्दीप लामाछिानेको आग्रह प्रहरीले अस्वीकार गरेको छ । उनले यसअघि आफूले एयरपोर्टबाटै आत्मसमर्पण गर्ने भएकाले हतकडी नलगाउन सामाजिक सञ्जालमार्फत् आग्रह गरेका थिए ।

यद्यपि बिहीबार उनलाई प्रहरीले हतकडी लगाएरै नियन्त्रणमा लिएको छ । विमानस्थलमा अवतरण हुने बित्तिकै प्रहरीले उनलाई हतकडी लगाएर पक्राउ गरेको तस्बिर सार्वजनिक भएको छ । उनलाई अहिले गौशाला प्रहरी वृत्तकाे हिरासतमा लगिँदै छ ।