काठमाडौं, २१ असोज ।
आगामी ४ मंसिरका लागि तय भएको आम निर्वाचनको उम्मेदवारी छनौटका लागि नेपाली कांग्रेसका सभापति शेरबहादुर देउवाले केन्द्रीय कार्यसम्पादन समितिको बैठक डाकेका छन् ।
पाँच दलीय सत्ता गठबन्धनको निरन्तर बैठकका कारण बिहीबार अपराह्न बोलाइएको सो बैठक बस्न नसके पछि शुक्रवार अपराह्न १२ बजेका लागि बालुवाटारमा बैठक बोलाइएको हो । जनता समाजवादी पार्टी, नेपाल बाहेक अन्य चार राजनीतिक दलहरूको बैठक सकिए लगत्तै सो बैठक शुरू हुने कांग्रेसका नेताहरूले जनाएका छन् ।
सो बैठकमा आगामी मंसिर ४ मा हुने प्रतिनिधि र प्रदेशसभा निर्वाचनका लागि प्रत्यक्षतर्फका उम्मेदवार चयन गर्ने विषयमा छलफल हुने छ । २३ असोज भित्र उम्मेदवार छनौट गरी निर्वाचन आयोगमा नाम दर्ता गराउनु पर्ने बाध्यताका बिचमा सो बैठक बस्न लागेको हो ।
प्रतिक्रिया