काठमाडौं, २१ असोज ।
सिट बाँडफाँट बारे सत्तारूढ गठबन्धनमा सहमति जुटेको छ । शुक्रबार अबेर रातिसम्म प्रधानमन्त्री निवास बालुवाटारमा जारी बैठकले सिट बाँडफाँटमा सहमति जुटाएको हो ।
यद्यपि शनिबार बिहान लोकतान्त्रिक समाजवादी पार्टी (लोसपा)सँग बैठक बसेर सहमतिलाई अन्तिम रूप दिने एक नेताले जानकारी दिए ।
जनता समाजवादी पार्टी (जसपा) गठबन्धनबाट बाहिरिएपछि सत्ता गठबन्धनले अर्को मधेसवादी दल लोसपासँग मिलेर चुनाव लड्न छलफल अघि बढाएको थियो।
बैठकबाट कांग्रेस, माओवादी र एकीकृत समाजवादीबीच निर्वाचन क्षेत्रको विभाजन पनि टुंगिएको छ। जसअनुसार कांग्रेसले ८८ सिट, माओवादीले ४७, एकीकृत समाजवादीले १८ र राष्ट्रिय जनमोर्चाले २ सिट लिने भएका छन्। लोसपाले १५ सिटमा आफ्नो दाबी गरे पनि उसलाई १० सिट छुट्याउन सत्ता गठबन्धन तयार भएको छ ।
प्रतिक्रिया