काठमाडौं, असोज १२ ।
नेकपा एमालेको स्थायी कमिटी सदस्य घनश्याम भुसाल स्वतन्त्र चुनाव लड्ने भएका छन् । यसका लागि नेकपा (माओवादी केन्द्र)ले रुपन्देही क्षेत्र नम्बर १ को टिकट होल्ड गरेको एक स्रोतले जनाएको छ ।
यसअघि रुपन्देही– ३ बाट चुनाव लड्दै आएका भुसाललाई यसपटक एमालेले टिकट दिएको छैन । यसै कारण भुसाल माओवादीबाट गठबन्धनको सहयोगमा चुनाव लड्ने सम्भावना बढेको छ ।
ती स्रोतका अनुसार रुपन्देही क्षेत्र नम्बर १ को टिकट उनका लागिनै होल्ड गरिएको छ। रुपन्देही– १ बाट एमालेले छविलाल विश्वकर्मालाई उम्मेदवार बनाएको छ ।
प्रतिक्रिया