सुदूरपश्चिम एमालेले हटायो बागी उम्मेदवारी दिने ५ नेता

काठमाडौं । नेकपा एमालेले पार्टीका आधिकारीक उम्मेदवारविरुद्ध बागी उम्मेदवारी दिने सुदूरपश्चिम प्रदेशका पाँच जना नेतालाई पार्टीबाट निष्काशन गरेको छ ।

बागी उम्मेदवारी दिएका सुदूरपश्चिम प्रदेश कमिटि सदस्य टेकबहादुर हमाल र खेम सुवेदीसहित केन्द्रीय सल्लाहकार परिषद् सदस्य भक्तबहादुर अधिकारी, राष्ट्रिय मुक्ती समाजका केन्द्रीय सदस्य विजयसिंह मयाल र टेकबहादुर साउँदलाई केन्द्रीय निर्देशनअनुसार साधारण सदस्य समेत नहरनेगरी निष्काशन गरेको हो ।

प्रदेश समिति सदस्य सुवेदीले कञ्चनपुरको प्रतिनिधिसभा क्षेत्र नम्बर १, अधिकारीले क्षेत्र नम्बर १ को प्रदेशसभा ‍(क), हमालले कञ्चनपुर २ को प्रदेशसभा (क) साउँदले कञ्चनपुर क्षेत्र नम्बर १ को प्रदेशसभा (ख) र मयालले प्रतिनिधिसभा निर्वाचन क्षेत्र नम्बर १ मा बागी उम्मेदवारी दिएको एमाले सुदूरपश्चिमका सचिव धर्मराज पाठकका जानकारी दिए ।