नवौं राष्ट्रिय खेलकुद : आर्मी क्लवका एक खेलाडीको मृत्यु

काठमाडौं । पोखरामा जारी नवौं राष्ट्रिय खेलकुद प्रतियोगितामा सहभागी एक खेलाडीको मृत्यु भएको छ । त्रिभुवन आर्मी क्लबको तर्फबाट प्याराग्लाइडिङ खेलमा सहभागी भएका २६ बर्षीय निसिम थापाको मुत्यु भएको हो ।

क्रस कन्ट्री प्याराग्लाईडिङ खेल चलिरहेको अबस्थामा ब्लु स्काई कम्पनिको पयाराग्लाईडिङ आकाशमा उडिरहेको अबस्थामा अकस्मात १०० मिटर माथीबाट सारङकोट स्थित जमिनमा खस्न जाँदा उनको मुत्यु भएको हो ।

घाईते भएपछि उनलाई उपचारको लागी मेट्रोसिटी अस्पताल लगिएको थियो । उपचारको क्रममा उनको मुत्यु भएको स्रोत जनाएको छ ।