गुल्मी। नेपाली कांग्रेसका नेता तथा कांग्रेसका समानुपातिक पदका उम्मेदवार त्रैलोक्य प्रतापसेनले रामकुमारी झाँक्री जस्ता नेतृहरूले लगाएको गुन कांग्रेसलगायतका दलले यो निर्वाचनमा तिर्नुपर्ने बताएका छन् । आइतबार धुर्कोट गाउँपालिका-१ नयाँ गाउँको कुना खर्कमा भएको चुनावी भेटघाट कार्यक्रमलाई सम्बोधन गर्दै उनले यस्तो बताएका हुन् ।
रामकुमारीहरूकै कारण नेपाली कांग्रेस नेतृत्वमा सरकार बनेको र गठबन्धनमा रहेर स्थानीय तहमा गुल्मी लगायत देशभरनै शानदार जित हासिल गरेको नेता सेनले उल्लेख गरे ।
कांग्रेसको अन्तिम प्रधानमन्त्री शेरबहादुर देउवा हो भनेर खिसीटिउरी गर्ने केपी ओलीलाई रामकुमारीहरूको विद्रोहले सबक सिकाएको तथा संविधान र व्यवस्था बचेको तर्क गरे ।
गठबन्धनबाट साझा उम्मेदवार बनेकी रामकुमारी झाँक्रीलाई कांग्रेस लगायतका दलले इमानदारिताका साथ मतदान गर्नुपर्ने उनले बताए । साथै नयाँ गाउँवासी सबैलाई गठबन्धनका उम्मेदवारलाई मतदान गर्न उनले आग्रह समेत गरेका छन् ।
प्रतिक्रिया