काठमाडौं । सत्ता गठबन्धनबाट प्रतिनिधिसभा सदस्य पदमा गुल्मी क्षेत्र नम्बर-२ की उम्मेदवार रामकुमारी झाँक्रीले बागी उम्मेदवारी दिएका कांग्रेस नेता डा। दामोदर भुसाललाई उम्मेदवारी निष्क्रिय गरेकोमा आभार व्यक्त गरेकी छन् ।
नेकपा एकीकृत समाजवादीकी केन्द्रीय सचिव समेत रहेकी झाँक्रीले मंगलबार सामाजिक सञ्जालमार्फत डा। भुसाललाई गठबन्धनका सबै नेतालाई धन्यवाद दिएकी हुन् ।
‘उहाँ टिकट लिन योग्य मान्छे हो । नेपाली कांग्रेस भित्रको बौद्धिक व्यक्तित्व हो। आज हामी सँगै यात्रामा छौँ । आफ्नो उम्मेदवारी निष्क्रिय बनाएर गठबन्धनको उम्मेदवारलाई जिताई आजको समयको आवश्यक पुरा गर्ने अभियानमा हुनुहुन्छ । आदारणीय सुरेश भुसाल दाजुसहित सबै नेताहरूप्रति आभार व्यक्त गर्दछु । हामी सँगै छौ आज पनि’, उनले भनेकी छन् ।
डा. भुसाल र आफूले विद्यार्थी राजनीतिक सँगसँगै गरेको स्मरण गर्दै काठमाडौंका सडकमा सँगसँगै जुत्ताका तलुवा फटाएको र विद्रोहको झण्डासँगै उठाएको सम्झना ताजा रहेको उल्लेख गरेकी छन् । भुसालले सोमबार गठबन्धनकी साझा उम्मेदवारलाई सघाउने भन्दै आफ्नो उम्मेदवारी निष्क्रिय पारेको घोषणा गरेका थिए ।
यससँगै निर्वाचनमा गुल्मी-२ मा रामकुमारी झाँक्रीको जित पक्का भएको अड्क शुरू भएको छ । गठबन्धनको साझा उम्मेदवार रहेकी झाँक्रीलाई गुल्मी-२ मा जनसमर्थन बलियो बन्दै गएको हो ।
प्रतिक्रिया