झापामा गोली चल्यो, एक जनाको मृत्यु

झापा । गौरादह नगरपालिका वडा न ८ बैराती स्कुल अगाडी एक पुरुषले आफैंले बोकेको पेस्तोलबाट गोली हानेर आत्महत्या गरेका छन् । गौरादह ८ बस्ने  बिरन साहले गोली हानी आत्महत्या गरेका जिल्ला प्रहरी कार्यालय झापाका एसपी विश्वमणि पोखरेलले जानकारी दिए ।

सुरुमा उनले भतिजलाई गोली हानेर  आफूसँग भएको पेस्तोलबाट आफ्नै कन्चटमा गोली हानेर आत्महत्या गरेको एसपी पोखरेलले बताए ।

गोली लागेर गम्भीर घाइते  १४ वर्षीय बालकलाई उपचारका लागि बि एण्ड सी अस्पताल बिर्तामोड लगिएको छ । घटनाको कारण भने खुलेको छैन । घटनाका विषयमा थप अनुसन्धान भइरहेको भइरहेको प्रहरीले जनाएको छ ।