काठमाडौं । अपूर्व क्षितिज सिंह, जसले लाेभलाग्दाे चाटर्ड (सिए) पेशामा हुँदाहुँदै हँसाउने काम रोजे अर्थात् स्ट्याण्डअप कमेडी । दुनियाँ हसाउन हिँडेका अपूर्व क्षितिज आज आफैं रोइरहेका छन् । आफ्नो ठट्यौली प्रस्तुतीका कारण जातीय घेराबन्दीमा परेर चार/चार वटा मुद्दा खेपिरहेका छन् ।
उनीमाथि जातीय भेदभाव तथा अपमानजनक व्यवहार गरेको, अपमानजनक तथा अमानवीय व्यवहार गरेको, सामाजिक रीतिस्थितिमा खलल पुर्याएको र सार्वजनिक शान्तिमा खलल पुर्याएको अभियोगमा एकैसाथ चार अभियोग अदालतमा दर्ता गराएको हाे ।
नेवा: समुदायको भावनामाथि चोट पुर्याएको भन्दै उनीविरुद्ध परेको जाहेरीका आधारमा प्रहरीले अपूर्वलाई गत भदौ १२ गते बानेश्वरबाट पक्राउ गरी हिरासतमा लिएको थियो ।हिरासतमा रहेका अपुर्व कोरोना संक्रमण देखिएपछि रिहा गरेको थियाे । दास्राे पटक पक्राउ परेका उनलाइ कात्तिक ३ गते काठमाडौं जिल्ला अदालतले धरौटीमा छाड्न आदेश दिएको छ । बिहीबार न्यायाधीश माधवप्रसाद मैनालीको इजलासले थुनछेक बहसपछि उनलाई २ लाख ५० हजार रुपैयाँ धरौटीमा छाड्न आदेश दिएको हो । अपूर्वमाथि जाहेरीवालाले पाँच वर्ष कैद र ५० हजार रुपैयाँसम्म जरिवानाको माग गरिरहेका छन् ।
कुनै समुदायको भावनामा आफ्नो कमेडीका कारण चोट पुगेको भन्दै युट्युबबाट उनले भिडियो डिलिट गरिसकेका छन । तर उनलाई जातियताको घेरावन्दिमा राखेर बढी सजायको माग गर्नुले राम्रो संकेत नगरेको भन्दै अहिले सामाजिक सञ्जालमा चौतर्फी आलोचना भइरहेको छ ।
को हुन् अपूर्व क्षितिज ?
अपूर्व क्षितिज सिंह स्ट्याण्डअप कमेडियन हुन् । उनले आफ्नो स्ट्याण्डअप कमेडियनमार्फत् दर्शकलाई मनोरञ्जन दिइरहेका थिए । नेपालमा एक समय यस्तो पनि थियो हँसाउने पनि काम हो र ? भन्ने गरिन्थ्यो ।
समाजको त्यो कुसोचको प्रवाह नै नगरी हँसाउने काममा जसले भविष्य खोजे उनी अरू कोही नभएर हँसाएकै भरमा चार चार मुद्दा खेपिरहेका अपूर्व क्षितिज हुन् । उनी कमेडियनका अलावा चार्टड अकाउन्टेन (सिए) पनि हुन् ।
सन् २०१८ बाट व्यावसायिक कमेडी यात्रा सुरु गरेका अपूर्वका युट्युबमा सिएको पीडा, नेपालमा पोर्न ब्याण्ड, प्रपोज अ गल्स, टिपिकल नेपाली नाम लगायतका भिडियोहरू लोकप्रिय छन् । उनका युट्युब भिडियोहरूलाई नेपाली दर्शकले रुचाएका छन् ।
घटनाको बेलिबिस्तार
अपूर्व क्षितिज सिंहले गत असार ३१ गते बत्तीस पुतलीको ग्रासिया सेन्टरमा नेवार समुदायको धर्म र परम्पराबारे कमेडी गरेका थिए । असार ३१ गते भएको कमेडीको भिडियो अपूर्वले भदौ १० गते आफ्नै युट्युबमा अपलोड गरे ।
नेवारको परम्परा शीर्षकको उक्त भिडियोमा अपूर्वले नेवार समुदाय, उनीहरूको धर्म तथा परम्पराप्रति केही आपत्तिजनक शब्द प्रयोग गरेका थिए । तर भदौ १० गते युट्युबमा अपलोड भएको उक्त भिडियोका विषयमा व्यापक आलोचना भएपछि अपूर्वले भदौ ११ गते नै उक्त भिडियो युट्युबबाट हटाएका थिए । साथै अपूर्वले सामाजिक सञ्जालबाटै नेवार समुदायको भावनामा चोट पुगेको भन्दै माफी मागेका थिए ।
अपूर्व क्षितिज सिंहले गल्ती स्विकार्दै माफी मागे पनि पृथबिन्दु महर्जन लगायतका १०१ जना युवाले प्रहरीमा जातीय भेदभाव तथा छुवाछुत लगायतका चार वटा कसुरमा निवेदन दिएका थिए । त्यही निवेदनका आधारमा प्रहरीले अपूर्वलाई पक्राउ गरेको थियो ।
कलाकर्मीदेखि राजनीतिकर्मीको अपूर्वलाई साथ
कमेडियन अपूर्व क्षितिज सिंहलाई माफी दिँदै उनलाई रिहा गर्नुपर्ने भन्दै अहिले सामाजिक सञ्जालदेखि जताततै आवास उठिरहेको छ । कलाकार देखि नेता समेतले यस बारेमा आवास उठाइरहेका छन् । हाँस्यकलाकार केदार प्रसाद घिमिरे माग्ने बुढा ले कमेडियन अपूर्वलाई रिहा गर्न माग गरेका थिए । उनले आफ्नो सामाजिक सञ्जालमा फेसबुकमार्फत एक स्ट्याटस लेख्दै सिंहलाई रिहा गर्न माग गरेका थिए । कलाकार मनोज गजुरेलले समेत अपूर्वलाई मानवीय आधारमा रिहा गर्न आग्रह गरेका थिए ।
संसदमा समेत उनका विषयमा आवास उठेको थियो । नेकपा एमालेका प्रमुख सचेतक विशाल भट्टराईले संसदमा विशेष समय लिएर आफ्नो हास्य कला प्रस्तुत गर्ने क्रममा कसैलाई मर्का पारे पनि क्षमा याचना गरेका उनलाई रिहा गर्न माग गरेका थिए ।
राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङ्देनले समेत अपूर्वको समर्थन गरेर उनको रिहाको माग गरेका थिए । अपूर्व क्षितिजले हँसाउने बाहेक आफ्नो उद्देश्य अरू नरहेका बताइ सकेका छन् ।
आफ्नो कमेडीमार्फत् नेवार समुदायमा चोट पुगेको भन्दै उनले माफी समेत मागेका थिए । उनले युट्युबबाट भिडियो समेत हटाइसकेका गरिसकेका छन् । आफ्नो गल्ती स्वकार गरिसकेका उनलाई दुई दुई चोटि पक्राउ गर्नुपर्ने नै कारण देखिँदैन । एउटा व्यक्तिविरुद्ध प्रहरी यसरी खनिनु अशोभनीय त हुँदै हो, राज्य संयन्त्रको दुरुपयोग पनि हो । आफ्नो कमेडीमार्फत सबैलाई हँसाउने अपूर्व जातीय घेराबन्दीमा फसेका छन् सबैलाई हँसाउने उनलाई सरकारले रुवाएर उनको कामको सम्मान स्वरूप आँसु उपहार दिएको छ ।
कुनै समुदायलाई चोट पुर्याउने आफ्नो नियत नरहेको भनिरहेका उनलाई जातियताका नाममा खेदो खन्नु उनको कलाका अपमान पनि हो । यसले पक्कै पनि नेपाली समाजमा राम्रो सन्देश दिँदैन ।
कलाकारितामा आफ्नो भविष्य देखिरहेका उनलाई निराश बनाउन बाहेक अरू केही होइन, यस्तै हो भने भोलिका दिनमा न त राम्रो कलाकार नै जन्मिने छन् न त भएका कलाकार नै आफ्नो कला प्रस्तुत गर्ने छन् ।
सरकारबाट निराश अपूर्व आफ्नो सामाजिक सञ्जालमा लेख्छन् , ‘यो मुद्दा कत्तिको सिरियस छ भन्ने कुरो थाहा पाउनु जरुरी छ । नेपालमा यो मुद्दा पहिलो हो र यसमा के हुन्छ कसैलाई केही आइडिया छैन । यो मुद्दा हारियो भने जसलाई जसले जे पनि मुद्दा हाल्न मिल्छ । खासै कोही केही बोल्न पाउँदैन । मानिस किन देश छोडेर विदेश जान्छ भन्ने म अहिले बल्ल बुझ्दैछु, तर म जान्न ।’
प्रतिक्रिया