काठमाडौं । आइसिसी टी२० विश्वकपअन्तर्गत समूह-२ को बहुप्रतिक्षित खेलमा पाकिस्तानले भारतलाई १६० रनको लक्ष्य दिएको छ। मेलवर्न क्रिकेट मैदानमा टस हारेर पहिले ब्याटिङ गरेको पाकिस्तानले ८ विकेटको क्षतिमा १५९ रन जोड्यो।
पाकिस्तानका लागि इफ्तिखर अहमेद र शान मसूदले अर्धशतक प्रहार गरे। इफ्तिखरले ५१ रन जोड्ने क्रममा ३४ बलमा २ चौका र ४ छक्का प्रहार गरे। यस्तै शान मसूदले नटआउट ५२ रन जोडे। उनले ४२ बलमा ५ चौका हिर्काए।
त्यसअघि ओपनद्वय मोहमद रिजवान र कप्तान बाबर अजाम सस्तैमा आउट भए। रिजवान ४ रन र बाबर शून्यमा आउट भए।
दुवैलाई अर्शदीप सिंहले आउट गरेका थिए। यी दुई ओपनर जोडी ४ रनको साझेदारीमा आउट हुँदै खराब रेकर्ड बनाए। दुई जनाबीच भएको यो सबैभन्दा कम रनको साझेदारी हो। ।
८ बलमा १ चौका र १ छक्काको मद्दतमा १६ रन जोडेका शाहीन साह अफ्रिदी अन्तिम ओभरको दोस्रो बलमा आउट भए।
बलिङमा भारतका अर्शदीप र हार्दिक पाण्ड्याले ३-३ विकेट लिए। भुवनेश्वर कुमार र मोहमद सामीले १-१ विकेट लिन सफल भए।
प्रतिक्रिया