काठमाडौं । आगामी नोभेम्बर २० देखि कतारमा २२ औँ संस्करणको विश्वकप फुटबल सुरु हुँदैछ । फिफा विश्वकपको महाकुम्भ सुरु हुन अब केहि दिनमात्र बाँकी छन् ।
फिफाको कूल २११ सदस्य राष्ट्रहरू छन् । जसमा छनोट चरण पार गरेका उत्कृष्ट ३२ टिम मात्र विश्वकपमा खेल्नेछन् ।
विभिन्न देशका विभिन्न मुख्य खेलाडीले आफ्नो चोटका कारण अगामी मंसिरमा हुने विश्वकप गुमाउने भएका छन् ।
विश्वकप गुमाउनेमा फ्रान्सका मिडफिल्डर पाउल पोग्बा , जर्मनीका स्ट्राइकर टिमो वेर्नेर र फ्रान्सका मिडफिल्डर एन्गोलो कान्टे लगाउतका पपुलर खेलाडी रहेका छन् ।
फ्रान्सका मिडफिल्डर पाउल पोग्बा फ्रान्सका मिडफिल्डर हुन् । उनले कतार विश्वकप २०२२ गुमाउने पक्का भएको छ । इटालियन सिरी ए क्लब युभेन्ट्सका मिडफिल्डर पोग्बाले चोटकै कारण विश्वकप गुमाउने भएका हुन् ।
सन् २०१८ को रुस विश्वकप फ्रान्सले जित्दा नायक साबित भएका पोग्बा यसपटक समेत महत्त्वपूर्ण सदस्य हुने मानिएको थियो ।
यस्तै चोट भएका जर्मनीका स्ट्राइकर टिमो वेर्नेरले नोभेम्बरमा विश्वकप २०२२ गुमाउने भएका छन् । आरबी लाइपजिकका स्ट्राइकर वेर्नेर बुधबार च्याम्पियन्स लिग अन्तर्गत सख्तर डोनेस्कविरुद्धको खेलमा घाइते भएका थिए ।
सन् २०१७ मा जर्मनीको राष्ट्रिय टोलीबाट डेब्यु गरेका वेर्नेरले ५५ खेलमा २४ गोल गरेका छन् । नोभेम्बर २३ मा जापानविरुद्धको खेलसँगै जर्मनीले कतार विश्वकपमा सुरुवात गर्नेछ ।
यस्तै फ्रान्सका मिडफिल्डर एन्गोलो कान्टे पनि विश्वकपबाट बाहिरिएका छन् । चोटका कारण कान्टले विश्वकप २०२२ गुमाउने भएका छन् । प्रशिक्षणका क्रममा कान्टे घाइते भएपछि कम्तिमा तीन महिना मैदान बाहिर हुने बताइएको छ ।
कान्टे फ्रान्सले २०१८ मा विश्वकप जित्ने टिमका महत्त्वपूर्ण सदस्य थिए । फ्रान्सले अबको ६ सातापछि नोभेम्बर २२ मा अस्ट्रेलियाविरुद्ध खेल्दै छ ।
यस्तै अर्जेन्टिनी फरवार्ड पावलो डिबाला, पोर्चुगिज स्ट्राइकर डिएगो जोटा, फ्रान्सका डिफेण्डर राफायल भारन, स्पेनिस फरवार्ड मिकेल ओयार्जबाल, इंग्ल्याण्डका रेस जेम्स लगायतका अरु खेलाडीले पनि चोटकै कारण विश्वकप गुमाउने भएका छन् ।
प्रतिक्रिया