गठबन्धन अहिलेको राष्ट्रिय आवश्यकता हो : रामकुमारी झाँक्री 

काठमाडौँ । नेकपा एकीकृत समाजवादीका सचिव एवं गुल्मी क्षेत्र नम्बर २ का प्रतिनिधिसभा सदस्य रामकुमारी झाँक्रीले गठबन्धन अहिलेको  राष्ट्रिय आवश्यकता भएको बताएकी छन् ।  शनिबार बुटवलमा आयोजित वाम लोकतान्त्रिक गठबन्धनको चुनावी भेलालाई सम्बोधन गर्दै उनले गठबन्धन अहिलेको  राष्ट्रिय आवश्यकता भएको बताएकी हुन् ।

उनले संविधान र संसद् बचाउनका लागि गठबन्धन बनेको पनि बताइन् ।  उनले भनिन्, ‘हिजो पटक पटक गरिएको संसद् विघटन र संविधान नै च्यातच्युत पार्ने प्रवृत्तिका विरुद्ध बनेको गठबन्धन हो ।  गठबन्धन अहिलेको राष्ट्रिय आवश्यकता हो ।’ झाँक्री पूर्व सहरी विकास मन्त्री समेत हुन् ।