काठमाडौं । अष्ट्रेलियामा जारी आईसीसी पुरूष टी-२० विश्वकपमा न्यूजिल्याण्डलाई हराउदै पाकिस्तान फाइनल प्रवेश गरेको छ ।
टस हार्दै पहिले ब्याटिङ गरेको न्यूजिल्याण्डले पाकिस्तानलाई १५३ रनको लक्ष्य दिएको थियो । पाकिस्तानले ५ बल बाँकी हुँदा मात्र ३ विकेट गुमाएर लक्ष्य पुरा गर्यो। न्यूजिल्याण्डले निर्धारित २० ओभरमा ४ विकेट गुमाउँदै १५२ रन जोडेको थियो ।
पाकिस्तानको जितमा कप्तान बाबर अजाम र मोहम्मद रिजवानले उत्कृष्ट पारी खेले। पहिलो विकेटका लागि सतकीय साझेदारी गरेका कप्तान बाबर अजामले ४२ बलमा ७ चौकासहित ५३ रन बनाए। पहिलो बलमै जीवनदान पाएका बाबरले ३८ बलमा ७ चौकासहित ५० रन पुर्याएका थिए।
रिजवानले ४३ बलमा ५ चौकासहित ५७ रन बनाए। रिजवानले ३६ बलमा ५ चौकासहित ५० पुरा गरेका हुन्।
यस्तै हरिश रौफले २६ बल खेल्दै १ छक्का र २ चौकासहित ३० रन बनाए। सान मसुदले ३ रन बनाए।
त्यसअघि टस जितेर पहिले ब्याटिङ गरेको न्यूजिल्याण्डले निर्धारित २० ओभरमा ४ विकेट गुमाउँदै १५२ रन बनायो।
उसका लागि ड्यारेल मिचेलले सर्वाधिक ५३ रन बनाए। उनले ३५ बलमा १ छक्का र ३ चौका प्रहार गरे।
यस्तै कप्तान केन विलियम्सनले ४६ रन जोडे। ४२ बल खेलेका उनले १ छक्का र १ चौका प्रहार गरेका थिए।
फिन आलेनले ४ रन बनाउँदा ग्लिन फिलिप्सले ६ रन जोडे। यस्तै जामेश निसामले १२ बलमा १६ रन बनाए।
पाकिस्तानका लागि शहिन साह अफ्रिदीले २ तथा मोहम्मद नवाजले १ विकेट लिए।
पहिलो चरण को खेलमा विराट कोहलीको उत्कृष्ट पारीले गर्दा पाकिस्तानले भारत सँग हार व्यहोर्न परेको थियो । भारतले भोलि बिहीबार ईंग्ल्यान्ड सँग सेमिफाइनलको खेल खेल्दै छ । इन्डियाले सेमिफाइनलको खेल जितेको खण्डमा पाकिस्तान र भारतको भेट फाइनलमा हुने छ ।
पाकिस्तान र भारत प्रतिस्पर्धी मुलुक भएकाले यदि भारतले सेमिफाइनलको खेल जिते टी-२० विश्वकप फाइनलमा कसले जित्ला भन्ने चासो बढेको छ ।
प्रतिक्रिया