चुनावको मुखैमा एमालेलाई झड्का, गोकर्ण विष्टको सिंगो गाउँ नै एकीकृत समाजवादीमा 

गुल्मी । निर्वाचनको मिति नजिकैँदै जाँदा गुल्मीमा नेकपा एमालेबाट गुल्मी क्षेत्र नम्बर २ का प्रतिनिधि सभा सदस्य पदका उम्मेदवार गोकर्ण विष्टलाई ठूलो झड्का लागेको छ । विष्टको आफ्नै वडा इस्मा गाउँपालिका वडा नं. ४ दोहोलीको सिंगो गाउँ नै  नेकपा एकीकृत समाजवादीमा समाहित भएको छ ।

दोहोलीको हुल भन्ने वस्ती नै एकीकृत समाजवादीमा प्रवेश गरेपछि विष्टलाई चुनौती थपिएको छ । बुधबार नेकपा एकीकृत समाजवादीकी केन्द्रीय सचिव एवं गुल्मी २ कि प्रतिनिधि सभा सदस्य पदकी उम्मेदवार रामकुमारी झाँक्रीले उक्त गाउँवासीलाई आफ्नो पार्टीमा प्रवेश गराएकी हुन् ।
लामो समय सम्म नेकपा एमालेमा योगदान पुराएका स्थानीय नेता कलम हिताङ, अमर अछामी, मीन दर्लामी, पवन दर्लामी, निरज थापा, रोशन दर्लामीसहित सिंगो वस्तीका जनतालाई झाँक्रीसहित सो पार्टीका जिल्ला इन्चार्ज प्रवेश पोख्रेल, जिल्ला अध्यक्ष श्रीराम महतले सम्मानसहित स्वागत समेत गरे ।

गोकर्ण विष्टको २५ वर्षे कार्यकालबाट कुनै काम हुन नसकेपछि आफूहरू एकीकृत समाजवादीमा प्रवेश गरेको उनीहरूले प्रतिक्रिया छ । गोकर्ण विष्टले २५ वर्षसम्म निर्वाचन जित्दा पनि आफ्नै वडाको अवस्था नाजुक रहेकोाम अन्य क्षेत्रमा झन् विजोग रहेको उनीहरुले बताए ।