यस्तो छ अछाम-१ को प्रतिनिधि सभातर्फ वास्तविक मतपत्रको नमुना

काठमाडौं । आसन्न मंसिर ४ गते हुने प्रदेश तथा प्रतिनिधिसभा निर्वाचन आउन अब १० मात्र बाँकी छ । निर्वाचन आयोगले आसन्न प्रतिनिधि सभा निर्वाचनमा अछाम क्षेत्र नम्बर १ को वास्तविक मतपत्रको नमुना सार्वजनिक गरेको छ।

निर्वाचनको सम्मुखमा दलका उम्मेदवारहरू प्रचारप्रसारमा व्यस्त छन् । भने आम सर्वसाधारणलाई स्थानीय स्तरमा मतदाता शिक्षा समेत दिइँदै छ । निर्वाचनमा मत बदर नहोस् भनेर आयोगले चुनाव अगावै वास्तविक मतपत्र सार्वजनिक गर्ने गरेको छ ।

यस पटक अछाम क्षेत्र नम्बर १ बाट कलम चिह्न लिएर वाम लोकतान्त्रिक गठबन्धनका साझा उम्मेदवारका रूपमा नेकपा एकीकृत समाजवादीका नेता एवं श्रम, रोजगार तथा सामाजिक सुरक्षा मन्त्री शेरबहादुर कुँवर चुनावी मैदानमा छन् ।

भने सूर्य चिन्हसहित नेकपा एमालेका तर्फबाट नेता झपट बोहोरा उम्मेदवार छन् । यस्तै पुतली चुनाव चिन्हसहित स्वतन्त्र उम्मेदवारका रूपमा युवा नेता राजन कुँवर समेत चुनावी मैदानमा छन् ।