देशको विकास र समृद्धिका लागि सुदृढ राष्ट्रिय शक्ति आवश्यक : ओली

दिपायल । नेकपा (एमाले)का अध्यक्ष केपी शर्मा ओलीले देशको विकास र समृद्धिका लागि सुदृढ राष्ट्रिय शक्ति आवश्यक रहेको बताएका छन् ।

शनिबार डोटीको दिपायलमा आयोजित चुनावी सभालाई सम्बोधन गर्दै ओलीले समृद्ध नेपाल र सुखी नेपाली गठबन्धनको उदेश्य नै नभएको र देश बनाउने भिजन एमालेसँग मात्रै रहेको बताए।

‘फुटेका हाँडीका टुक्रा जोडर मुलुक बन्न सक्दैन।’ उनले भने, ‘देशको विकासका र समृद्धिका लागि एमाले जस्तो सुदृढ राष्ट्रिय शक्ति आवश्यक छ।’ गठबन्धन दलहरुले जनताको आँखामा छारो हाल्न रंगीबिरंगी घोषणापत्र छापेको उनले धारणा राखे।