काठमाडौं। औषधि व्यवस्था विभागले दुई नेपाली कम्पनिको औषधि विक्री-वितरणमा रोक लगाएको छ । विभागले एक सूचना जारी गर्दै लोमस फर्मासिटिकल्स र बायोजेन रेमिडाइज प्रालिले उत्पादन गरेको औषधि सम्बन्धित उद्योगका आयातकर्ता तथा तिनका प्रतिनिधिलाई तत्काल फिर्ता गर्न निर्देशन दिएको हो ।
उक्त कम्पनीले उत्पादन गरेको औषधि गुणस्तरहीन भएका कारण तत्काल विक्री–वितरणमा रोक लगाएको विभागले जनाएको छ । विभागका अनुसार बजार अनुगमन गर्दा संकलन गरेको नमुना परीक्षणमा लोमस फर्मासिटिकल्सले उत्पादन गरेको एसभट (भिटामिन सी) र बायोजेन रेमिडाइज प्रालिको बायोकल–डी (भिटामिन डिथी्र) नामको औषधि न्यून गुणस्तरको फेला परेको छ ।
बायोकल डी रुपन्देहीको तिलोत्तमा र एसभीट काठमाडौंको गोठाटारमा उत्पादन हुने गरेको थियो । यी औषधि क्याल्सियम तथा भिटामिन ट्याब्लेटहरु हुन् ।
प्रतिक्रिया