काठमाडौँ । ग्लोबल आइएमई बैँक र बैँक अफ काठमाण्डू गाभिने भएका छन् । शुक्रबार बसेको सञ्चालक समितिको बैठकले ग्लोबल आईएमई बैँक र बैँक अफ काठमाण्डू समान हैसियत अर्थात् १:१ स्वाप रेसियोमा गाभिने निर्णय गरेको हो ।
दुबै बैंकको सम्पति, दायित्व तथा कारोबारको मूल्याङ्कन र अन्य विविध पक्षको आधारमा समान हैसियत रहने व्यवस्था गरेको बैँक अफ काठमाण्डूले जनाएको छ ।
बैंक अफ काठमाण्डुमा एक सय कित्ता सेयर हुनेले मर्जरपछि पनि एक सय कित्ता नै सेयर पाउने छन् । सञ्चालक समितिले गरेको उक्त निर्णय नेपाल धितो पत्र बोर्ड र नेपाल स्टक एक्सचेञ्ज लिमिटेडलाई समेत जानकारी गराएको छ ।
प्रतिक्रिया