फ्रान्सका किम्पेम्बेले विश्वकप गुमाउने, टोलीबाट बाहिरिए

काठमाडौं । फ्रान्सका डिफेन्डर प्रेस्नल किम्पेम्बेले कतारमा हुने फिफा विश्वकप फुटबल गुमाउने भएका छन्। चोटको कारण पीएसजीका सेन्टर डिफेन्डर किम्पेम्बेले विश्वकप गुमाउने भएका हुन् ।

मुख्य प्रशिक्षक डिडियर डेसच्याम्प्सले उनलाई चोटका बाबजुत टोलीमा राखेको थियो । तर, पूर्ण फिट नभएपछि किम्पेम्बे विश्वकप टोलीबाट बाहिरिएका छन् । प्रशिक्षकले किम्पेम्बेको स्थानमा एक्सेल डिसासीलाई टिममा समावेश गरेका छन् । डिसासीले फ्रान्सका लागि अहिलेसम्म खेलेका छैनन् ।

यस्तै फ्रान्सले मार्कुस थुरामलाई पनि टिममा समावेश गरेको छ । कतार विश्वकप नोभेम्बर २० बाट सुरु हुनेछ । फ्रान्सले नोभेम्बर २२ मा अष्ट्रेलियासँग खेल्दै विश्वकपको सुरुआत गर्नेछ ।