गगन थापालाई भोट माग्दै प्रदीप खड्का

काठमाडौं । अभिनेता प्रदीप खड्काले नेपाली कांग्रेसका महामन्त्री गगन थापाका लागि मत मागेका छन्। चुनावी सभामा सहभागी हुँदै अभिनेता खड्काले थापाका लागि मत मागेका हुन्।

अभिनेता खड्का र उम्मेदवार थापा बुधबार बुढानिलकण्ठ वडा नम्बर १२ मा मत मागेका थिए। उनले भने,‘‘दाइमाथि मलाई विश्वास छ । भावी प्रधानमन्त्रीको रुपमा आफूले आफूलाई जसरी दाबेदारी देखाइरहनुभएको छ । म यसमा विश्वस्त छु कि आउनुपर्ने र सम्हाल्नुपर्ने नयाँपुस्ताले नै हो ।’

काठमाडौं क्षेत्र नम्बर ४ बाट सत्ता गठबन्धनको तर्फबाट प्रतिनिधिसभाका लागि गगन थापा उम्मेदवार बनेका छन्। अभिनेता खड्का यसअघि अर्बपति कांग्रेस उम्मेदवार विनोद चौधरीलाई भोट माग्न नवलपरासी पुगेका थिए ।