बेंगलोरमाथि मुम्बईको सानदार जित

राजधानी लाइभ, काठमाडौं । मुम्बई इन्डियन्सले इन्डियन प्रिमियर लिग (आइपिएल) मा रोयल च्यालेन्जर्स बेंगलोरलाई पराजित गरेको छ। घरेलु मैदान वांनखडे स्टेडियममा मुम्बईले बेंगलोरमाथी ६ विकेटको सानदार जित दर्ता गरेको हो ।

बेंगलोरले प्रस्तुत गरेको २ सय रनको लक्ष्य मुम्बईले १७ औं ओभरमा ४ विकेट गुमाएर पूरा गरेको हो । त्यसअघि टस हारेर पहिले ब्याटिङ गरेको बेंगलोरले निर्धारित २० ओभरमा ६ विकेट गुमाउँदै १ सय ९९ रन जोडेको थियो।

यस जितसँगै मुम्बई ११ खेलमा १२ अंक जोड्दै अंक तालिकाको तेस्रो स्थानमा उक्लिएको छ भने बेंगलोर भने ११ खेलमा १० अंकका साथ सातौं स्थानमा छ ।