राजधानी लाइभ, मुम्बई।
बलिउड अभिनेत्री जया बच्चन लामो समयपछि फिल्ममा कमव्याक गर्दैछिन् । उनी निर्माता तथा निर्देशक करण जोहरको मेगा बजेटको फिल्म ‘रकी और रानीकी प्रेम कहानी’ मार्फत कमव्याक गर्न लागेकी हुन् ।
फिल्ममा उनी धर्मेन्द्र र शबाना आजमीजस्ता कलाकारसँग स्क्रिन शेयर गर्दैछिन् । यो फिल्ममा दर्शकले आलिया भट्ट र रणवीर सिंहको रोमान्स हेर्न पाउनेछन् ।
फिल्ममा जयाले रणवीरकी हजुरआमाको भूमिका निभाउदैछिन् । फिल्ममा पहिलोपटक जया भिलेन चरित्रमा देखिँदैछन् । यो कुराको खुलासा निर्देशन जोहरले गरेका छन् । जयाको चरित्र क्रुर हुनेछ । फिल्म यसै वर्षको जुलाईमा रिलिज हुनेछ ।
प्रतिक्रिया