पन्जाबको सानदार जित, दिल्ली प्रतियोगिताबाट बाहिरियो

राजधानी लाइभ, काठमाडौं । इन्डियन प्रिमियर लिग (आइपीएल) मा पन्जाब किंग्सले दिल्ली क्यापिटल्सलाई पराजित गरेको छ । दिल्लीको घरेलु मैदान अरुण जेट्ली स्टेडियममा पन्जाब ३१ रनले विजयी भएको हो ।

पन्जाबले दिएको १ सय ६८ रनको लक्ष्य पछ्याएको दिल्लीले निर्धारित २० ओभरमा ८ विकेट गुमाएर १ सय ३६ रन मात्र बनायो । त्यसअघि टस हारेर पहिले ब्याटिङ गरेको पन्जाबले निर्धारित २० ओभरमा ७ विकेट गुमाएर १ सय ६७ रन बनाएको थियो ।

जितसँगै बाह्र खेलमा ६ जित र ६ हारका साथ पन्जाब छैटौं स्थानमा उक्लिएको छ भने समान खेलमा ४ जित र ८ हारका साथ दिल्ली अंक तालिकाको पुछारमा कायमै रहेको छ ।