राजधानी लाइभ, काठमाडौं ।
ग्रेटवाल मोटर्सका गाडी किन्न ग्लोबल आईएमई बैंकले सहुलियत ब्याजदरमा सवारी कर्जा दिने भएको छ । ग्रेटवाल मोटर्सको नेपालका लागि आधिकारिक वितरक भीजी इम्पेक्स (जीडब्ल्युएम नेपाल) र बैंकबीच सवारी कर्जा दिनेबारे समझदारी भएको हो ।
समझदारी अनुसार यो योजना विद्युतीय तथा इन्धनमा आधारित सवारीमा लागू हुनेछ । उक्त सेवा लिन चाहन व्यक्तिले आवश्यक कागजात तथा विवरणसहित बैंकको शाखा कार्यालयमा निवेदन दिए पश्चात् ३ कार्य दिन भित्र बैंकले नियमानुसार उचित ठहरिएका ग्राहकलाई सहज रूपमा सवारी साधन कर्जा प्रवाह गर्ने बताइएको छ ।
समझदारी पत्रमा बैंकका साना तथा मझौला कर्जा विभाग प्रमुख रुपेन्द्र वाग्ले र भीजी इम्पेक्स प्रालिका उपाध्यक्ष रुपेश शर्मा भट्टले हस्ताक्षर गरेका छन् ।
प्रतिक्रिया