ब्राजिलमा विमान दुर्घटना हुँदा १४ जनाको मृत्यु

राजधानी लाइभ, काठमाडौं । ब्राजिलको अमेजन जंगलको बीचमा रहेको बार्सिलोस सहरमा विमान दुर्घटनामा १४ जनाको मृत्यु भएको छ।

दुर्घटनाग्रस्त विमान एउटा सानो प्रोपेलर विमान थियो, जुन खराब मौसममा अमेजनसको मानुसबाट बार्सिलोसका लागि उडान गरिरहेको थियो।

भारी वर्षाका कारण अवतरण गर्न खोज्दा विमान दुर्घटना भएको अधिकारीहरूले बताएका छन्। दुर्घटनामा विमानमा सवार सबैको मृत्यु भएको हो। दुई चालक दलका सदस्यबाहेक १२ जना यात्रु थिए, जसमध्ये केही पर्यटक रहेको बताइएको छ।