धनगढीमाइका मेयर महतोको नागरिकता नै ‘फर्जी’ रहेको भन्दै छानबिन गर्न प्रशासनमा उजुरी

राजधानी लाइभ, काठमाडौं । 

सिरहाको धनगढीमाई नगरपालिकाका मेयर शिवशंकर महतोले कीर्ते गरी नागरिकता लिएको भन्दै जिल्ला प्रशासन कार्यालयमा उजुरी दर्ता भएको छ ।

मेयर महतोले कीर्ते गरेर नागरिकता लिएको दाबी गर्दै छानबिन गरी कारबाहीको दायरामा ल्याउन माग गर्दै जिल्ला प्रशासन कार्यालयमा आइतबार उजुरी दर्ता भएको हो ।

‘मेयर महतोका बुवा आमाको नागरिकता नै नभएको अवस्थामा उनले कसरी कुन प्रमाणपत्रको आधारमा नागरिकता लिएको सो कुराको छानबिन गरी आवश्यक कारबाहीका लागि अनुरोध छ ।,’ जिल्ला प्रशासन कार्यालयमा दर्ता भएको उजुरीमा भनिएकाे छ ।

महतो नेकपा एमालेको तर्फबाट धनगढीमाईमा मेयर निर्वाचित भएका हुन् ।