भन्सार छलीविरूद्ध राजस्व अनुसन्धान बुटवलको एक्सन, १५ लाखको अवैध समान बरामद

राजधानी लाइभ, बुटवल ।

राजस्व अनुसन्धान कार्यालय बुटवलले सक्रियता बढ्दै गएको छ । कार्यालयले रुपन्देहीको छपियाबाट १५ लाख बरावरको अवैध समान बरामद गरेको जनाएको छ ।

कार्यालयबाट खटिएको गस्ती टोलीले अवैध कपडा र चकलेट गरी १५ लाख ४१ हजार समान बरामद गरेको बताएको हो ।

शुद्धोदन गाउँपालिका भलापुरमा भन्सार छली गरेर ल्याउँदै गरेको ८ लाख १८ हजार कपडा र सियारी गाउँपालिको छपियाका प्रेम थापाले भाडामा दिएको घर खानतलासी गर्दा ७ लाख २३ हजार बारबारको विदेशी चकलेट बरामद भएको हो।

राजस्व अनुसन्धान कार्यालय बुटवलले दुवै घटनाबारे कानुनी प्रक्रिया अगाडि बढाएको जनाएको छ।