रूकुम र जाजरकोटमा कम्तीमा ३५ जनाको मृत्यु, सयौं घाइते

राजधानी लाइभ,काठमाडौं ।

जाजरकोट आसपासलाई केन्द्र बनाएर मध्यराती गएको ६.४ म्याग्निच्युडको भुकम्पबाट रूकुम र जाजरकोटमा कम्तीमा ३५ जनाको मृत्यु भएको छ भने सयौं घाइते भएका छन् ।

शनिबार राती संकलन गरिएको विवरणअनुसार सबैभन्दा ठूलो क्षति जाजरकोट र सिमाना जोडिएको रुकुम पश्चिममा भएको छ ।

रूकुमको आठविसकोट नगरपालिकामा कम्तिमा १४ जनाको मृत्यु भएको छ भने रूकुमकै सानीभेरी गाउँपालिकामा ५ जनाको मृत्यु भएको छ। त्यस्तै, जाजरकोटको भेरी नगरपालिकामा ९ जना र कुशे गाउँपालिकामा ७ जनाको मृत्यु भएको छ।